कविता - ध्यास

सावित्रीबाई फुले यांच्या पुण्यस्मृतीला अभिवादन करून एका सावित्रीच्या लेकीने त्यांना वाहिलेली ही शब्दसुमने!! 
                          
                                    *ध्यास*                                 10.3.2019

कठीण भासे मार्ग जरी हा,
मी न मागे सरणार.
घेऊनी उराशी ध्यास माझ्या,
मार्ग हा मी आक्रमिणार!
               कष्ट मजला पडो कितीही,
               येऊ दे संकटे हजार,
               नकोच पर्वा अपयशाची,
               विजयपताका झळकविणार!
लेक अशी मी सावित्रीची,
ज्योत इवली जणू पणतीची,
परि ठाम हा माझा निर्धार!
ध्येय शिखरे उंच यशाची,
नवनवीन मी सर करणार!
                घेऊनी उराशी ध्यास माझ्या,
                मार्ग हा मी आक्रमिणार!
          🌟🎯🏅🏆🌍🔝💯♕♾🌟

                            सौ. वर्षा शिंदे
                            उपशिक्षिका
                    शिक्षणविभाग पुणे म.न.पा.