ओळखा भाजी किंवा फळ

ओळखा  भाजी किंवा  फळ 
1 : वाकड्या  छत्रीला काळा फुगा जोडला,
     दो गुणांचा दिसे हा जांभळा  वा काळा ..
2 : आई बाप म्हणजेच हे..
3 : म्हातारीला आवडला लेकीने दिला..
4 : घामोळ्यांनी  भरले  अंगाशी , रूप  मकर परि         चव  नकोशी..
5 : नाजूक  सुंदर  सुबक ठेंगणी , लुसलुशीत ती 
     बाळाची  काकी..
6 : लाल खाता चंद्र अर्धा  राहिला, रूप मोठे     
     अवजड ओझे परि उन्हाळी घरी आला ..
7 : वर रुपासी मी बोचरा व्हिलन प्राण,
     परि अंतर्यामी ही सोनचाफ्यांची खाण!
8 : सुरस मुके हो प्रेमे चोखीत,
     चोखिता रस, मुख हो रसभरीत ..
9 : उखाण्याची भाजी आवडीची,
     परि पित्त कारक व कडवी ही...
10: सुंदर शेलाटी मुलगी म्हणजेच...
11 : काट्याविना ना गुलाब मिळावा ,
        फळावरी मग झाड उगवता हवा हवा       
        रसभरीत स्वादिष्ट ठेवा!
12 :रंग, गंध ना , नाजूक नसता तरीही म्हणते फूल,
       चविष्टतेने नटता सुंदर  पाडी सर्वांना भूल..
13 : नेसली पितांबर तरी अंतरी आहे गोरी..
14 : छोटे पणाला उपमा याची ,
       खेळातला कच्चा गडी हाची..
15 : कंजूषीचा अर्क मी, उन्हाळी प्रदेशात गर्क   
        मी...
16 : पानापानांनी देह हा नटला,
        गोल मटोल देह की हो झाला...